მანუალური ლიმფოდრენაჟი მასაჟის განსაკუთრებული ფორმაა, რომელიც მსუბუქი, ეფლორაჟის ტიპის მასაჟის ილეთით სრულდება. მისი მიზანია:

• ● ჯანსაღ ლიმფურ კვანძებზე ზემოქმედებით მთელი ლიმფური სისტემის გააქტიურება;
• ● ლიმფურ სადინართა კედლის ტონუსში მოყვანა, მათი ანგიომოტორიკის გააქტიურება;
• ● შეგუბებული ლიმფის ტრანსპორტირების ხელშეწყობა ფიზიოლოგიური მიმართულებებით;
• ● რეგიონული ლიმფური კვანძების უკმარისობის ან არარსებობის შემთხვევაში, ახალი კოლატერალური სისტემის შექმნით, პროცესის ჯანმრთელი ლიმფური კვანძების მიმართულებით გადაწყობა;
• ● ნაწიბუროვანი ქსოვილის შემცირება და გამჭოლუნარიანობის გაზრდა;
• ● ზოგადად, ადამიანის სითხურ ორგანიზმზე მომაწესრიგებელი ზემოქმედება.

შეგუბების საწინააღმდეგო თერაპიული კომპლექსი მოიცავს 5 ძირითად კომპონენტს:

• ● მანუალური ლიმფოდრენაჟს;
• ● კომპრესიულ თერაპიას;
• ● მოძრაობით თერაპიასა და სპეციალურ ვარჯიშებს;
• ● კანის სწორ მოვლას;
• ● პაციენტის სწავლებას.

მანუალური ლიმფოდრენაჟის პროცედურებს მოსდევს სპეციალური ელასტიკური ბინტებით კომპრესიული გადახვევა ან კომპრესიული ტრიკოტაჟის ჩაცმა, რაც პროცედურით მიღებული შედეგის შენარჩუნებას განაპირობებს. „თერაპიის სახლში“ კომპრესიული თერაპიისთვის ვიყენებთ გერმანული ფირმების Lohmann & Rauscher-ის გადასახვევ მასალასა და Ofa Bamberg-ის კომპრესიულ ტრიკოტაჟს, რომლებიც უმაღლესი ხარისხით გამოირჩევა.

ჩვენს სამედიცინო ცენტრში ხელმისაწვდომია შეგუბების საწინააღმდეგო თერაპიის სრული კომპლექსი შემდეგი დაავადებების დროს:

• ● ფლებო-ლიპო-ლიმფედემა;
• ● ციკლურ-იდიოპათიური სინდრომი;
• ● რევმატული დაავადებები;
• ● პოსტოპერაციული და პოსტტრავმული შეშუპება;
• ● ლიმფოსტატიური ენცეფალოპათია და ოფთალმოპათია;
• ● ლიმფოსტატიური ენტეროპათია;
• ● სტერილურ-ანთებითი შეშუპება;
• ● სკლეროდერმია (დამხმარე მეთოდად);
• ● მწვავე დისკოზი.
• ● გაფანტული სკლეროზი.